പിതൃ ദിന ആശംസകൾ!

പ്രിയ Paks അംഗങ്ങളെ,
ഏവർക്കും പിതൃ ദിന ആശംസകൾ!

മനസ്സിൽ കുഞ്ഞു പിറന്നതു മുതൽ മാതാപിതാക്കൾ ആയവരാണ് നാം. മോളായാലും മോനായാലും മനസ്സിൽ എത്ര താലോലിച്ച ശേഷമാണ് അവർ ഭൂമിയിലേക്ക് വരുന്നത്.., അവരുടെ കുഞ്ഞു കുറുമ്പുകൾ, കുസൃതികൾ, ആദ്യ ചിരി, അമ്മ, അച്ഛൻ വിളികൾ, പിച്ച വച്ചുള്ള നടത്തം ഒക്കെ ഭൂമിയെ സ്വർഗ്ഗമാക്കിയ ദിനങ്ങൾ സമ്മാനിച്ചു..
ആ ചിന്തകളിൽ നിന്ന് പുറത്തുവന്ന് തന്റെ കുട്ടികളെ മുതിർന്നവരായി കാണാൻ ബുദ്ധിമുട്ടുന്നവരാണ് നാം..
മാതൃ പിതൃ ദിനങ്ങൾ പരസ്പര പൂരകങ്ങളാണ്, ഒന്ന് സ്നേഹത്തിന്റെ ആഴക്കടൽ എങ്കിൽ മറ്റൊന്ന് ത്യാഗത്തിന്റെയും സംരക്ഷണത്തിന്റെയും കൊടുമുടിയാണ്.ലോകമെമ്പാടും ഇന്ന് പിതൃ ദിനം കൊണ്ടടുമ്പോൾ മനസ്സിൽ വന്ന ചില ചിന്തകൾ പങ്കുവയ്ക്കുകയാണ്.
പിതൃസഹജമായ ഉത്തരവാദിത്വങ്ങളിൽ പ്രധാനം ശരിയായ ദിശയിൽ കുട്ടികളെ രൂപപ്പെടുത്തുക എന്നുള്ളതാണല്ലോ.. ഇന്നത്തെ കുട്ടികൾക്ക് എല്ലാ രീതിയിലുള്ള വികാസങ്ങളും നേരിട്ട് സ്വീകരിക്കുവാനുള്ള സംവിധാനങ്ങൾ നിലവിലുണ്ട്. അവരുടെ IQ, EQ ലെവൽ ജന്മനാ തന്നെ ഉയർന്ന തലത്തിൽ എത്തുന്ന സാഹചര്യമാണ് നിലവിൽ ഉള്ളത്. ഒരു നഴ്സറി കുട്ടി എത്ര ആയാസരഹിതമായാണ്  മൊബൈൽ, സ്മാർട്ട്‌ t.v ഒക്കെ ഉപയോഗിക്കുന്നത് എന്നത് നാം കാണുന്നുണ്ട്. ഓൺലൈൻ പഠന സംവിധാനങ്ങളിലൂടെ അവരുടെ അറിവ് വർദ്ധിപ്പിക്കുവാനുള്ള അവസരം പതിന്മടങ് കൂടിയിരിക്കുന്നു. സ്കൂൾ / കോളേജ് തലങ്ങളിൽ ഏതു വിഷയത്തിലും വളരെ മികച്ച വിദ്യാഭ്യാസത്തിന് അവസരമുണ്ട്. പക്ഷെ അവർക്ക് വളരെ അടിസ്ഥാന പരമായ,പ്രധാനപ്പെട്ട ഒരു വിഷയത്തിൽ പരിശീലനം നൽകുവാൻ ഇന്ന് നിലവിൽ ഒരു സംവിധാനങ്ങളും ഇല്ല.
ഇന്നത്തെ കുട്ടികൾക്ക് സാമൂഹിക അവബോധം ( Social quotient SQ )വളരെ ആശങ്കാജനകമാം വിധം കുറഞ്ഞു കൊണ്ടിരിക്കുന്നു.
മാതാപിതാക്കൾ സ്വിച്ച് ഇട്ടാൽ സേവനങ്ങൾ നൽകുന്ന സേവന ദാതാക്കൾ ആകുമ്പോൾ കുട്ടികൾ, ബുദ്ധിമുട്ടുകൾ മനസിലാക്കാൻ സാധിക്കാതെ സ്വയം ചിന്താശേഷി ഇല്ലാതെ വളരുന്നു.അവരുടെ തലയിൽ വിദ്യാഭ്യാസം നിറയ്ക്കാനുള്ള തിരക്കിലാവും നാം.. വിദ്യാഭ്യാസം സമൂഹത്തിൽ നല്ല മനുഷ്യരെ സൃഷ്ടിക്കുന്നത് കൂടിയാകണം. മറ്റുള്ളവന്റെ കുറവുകളിൽ സഹായ ഹസ്തം നീട്ടാനുതകണം മക്കളുടെ കൈകൾ. സമൂഹത്തിന് നന്മ ചെയ്യാനുതാകുന്നതാകണം അവന്റെ ചിന്തകൾ.
സമൂഹത്തിൽ നല്ല മനുഷ്യനായി ജീവിക്കുവാൻ കുട്ടികളെ പ്രാപ്തരാക്കുവാൻ ഇന്നത്തെ വിദ്യാഭ്യാസ രീതിയിൽ കാര്യമായി ഒന്നും ചെയ്യുന്നില്ല. അതിനുള്ള പൂർണ്ണമായ ഉത്തതരവാദിത്വം മാതാപിതാക്കൾക്കുള്ളതാണ്,പ്രധാനമായും പിതാവിനുള്ളതാണ്.
കുട്ടികളെ പരിശീലിപ്പിക്കുന്നതിന്റെ ഭാഗമായി ചെയ്യാനാവുന്ന കുറച്ചു കാര്യങ്ങൾ ശ്രദ്ധിക്കുമല്ലോ.
*അയല്പക്കത്തെ കുട്ടികളോടൊപ്പം കളിക്കാൻ അനുവദിക്കാം
*മുതിർന്ന കുട്ടികളെ സാധനങ്ങൾ വാങ്ങുന്നതിനായി കടയിൽ വിടാം
*അനാഥാലയങ്ങൾ സന്ദർശിക്കാം, കുട്ടികളെ കൊണ്ട് അവർക്കായി സമ്മാനങ്ങൾ, സഹായങ്ങൾ കൊടുക്കാം...
*പ്രാദേശിക വാർത്തകൾ സംഭവങ്ങൾ ഒക്കെ കുട്ടികളുമായി സംസാരിക്കാം..
സമൂഹനന്മ ലക്ഷ്യമാക്കി കുട്ടികളെ വളർത്താം..
മനസ്സിൽ കരുണ വറ്റാത്ത കുട്ടികളാവട്ടെ നമ്മുടെ ലക്ഷ്യം.ആ കരുണയാകാം വർദ്ധക്യത്തിൽ നമുക്കും അനേകർക്കും തണലാവുന്നത്..
ഇനി അൽപം ഫാദേഴ്സ് ഡേ ചരിത്രം
1009  അമേരിക്കയിലാണ് ഫാദേഴ്സ് ഡേ എന്ന ആശയം ആദ്യമുയർന്നത്. സൊനോറ സ്മാർട്ട് ഡോഡ്ഡ് എന്ന അമേരിക്കൻ വനിതയാണ് ഫാദേഴ്സ് ഡേ എന്ന ആശയത്തിനു പിന്നിൽ എന്നാണ് ചരിത്രം.
അമ്മയുടെ മരണശേഷം തന്നെയും തന്റെ അഞ്ച് സഹോദരങ്ങളെയും വലർത്തി വലുതാക്കിയ അച്ഛനായ വില്യം സ്മാർട്ടിന്റെ സ്വാധീനമാണ് സൊനാേറയെ ഈ ആശയത്തിലെത്തിച്ചത്. 1909 ൽ ചർച്ചിൽ മദേഴ്സ് ഡേ സന്ദേശം കേൾക്കുന്നതിനിടയിലാണ് അച്ഛൻമാർക്കും ഒരു ദിവസം വേണമെന്ന ചിന്ത സൊനോറയ്ക്കുണ്ടായത്.
ആ ആശയത്തിന് പിന്നീട് അംഗീകാരം നൽകുന്നത് അമേരിക്കൻ പ്രസിഡന്റായിരുന്ന വൂഡ്രൊ വിത്സൻ ആണ്. 1913 ല്‍ ആണ് പ്രസിഡന്റ് വൂഡ്രൊ വിത്സൻ ഈ വിശേഷദിവസത്തിനു ഔദ്യോഗികമായി അനുമതി നൽകിയത്. പിന്നീട് 1972 ൽ പ്രസിഡന്റ് റിച്ചാഡ് നിക്സൺ ജൂണിലെ മൂന്നാമത്തെ ഞായറാഴ്ച്ച പിതൃദിനമായി പ്രഖ്യാപിക്കുകായിരുന്നു. അമേരിക്കയിൽ തുടങ്ങി ഇപ്പോൾ ലോകം മുഴുവനും ഈ ദിവസം ഫാദേഴ്സ് ഡേ ആയി കൊണ്ടാടുന്നു.
നല്ലൊരു ദിനം ആശംസിച്ചുകൊണ്ട്
റോബിൻ വട്ടക്കാനാ
PAKS ADMIN PANEL.