വിശ്വസിച്ചാലും ഇല്ലെങ്കിലും! ഭൂമിയില് ഇങ്ങനെയും വിചിത്രമായ സ്ഥലങ്ങളുണ്ട്..!!
നട്ടപ്പാതിരയ്ക്കും' സൂര്യന് ഉദിച്ചു നില്ക്കുന്ന സ്ഥലങ്ങള്!
സന്ധ്യമയങ്ങിക്കഴിഞ്ഞാല് പിന്നെ സൂര്യനസ്തമിച്ച് എങ്ങും ഇരുട്ട് പരക്കുന്നു. ഇതാണ് നമ്മള് കണ്ടു ശീലിച്ചത്. 12 മണിക്കൂര് ഒക്കെയായിരിക്കും പകല്. എന്നാല് ഇരുപതും ഇരുപത്തിനാല് മണിക്കൂറുമൊക്കെ പകല് സമയമായി ഇരിക്കുന്ന സ്ഥലങ്ങള് കാണാം. ആര്ട്ടിക് സര്ക്കിളിന് സമീപം സ്ഥിതി ചെയ്യുന്ന ചില സ്ഥലങ്ങളില് ഇങ്ങനെയുള്ള പ്രതിഭാസം കാണാന് കഴിയുന്നു. വേനല്ക്കാലത്ത് പോയാല് ഇവിടങ്ങളില് ഇതായിരിക്കും അവസ്ഥ. പച്ചയ്ക്കു പറഞ്ഞാല് വാച്ചില് നോക്കിയില്ലെങ്കില് രാത്രിയേതാ പകലേതാന്ന് തിരിച്ചറിയാന് കഴിയാത്ത അവസ്ഥ.
ഈ സമയങ്ങളില് നിരവധി പ്രവര്ത്തനങ്ങളും നടത്താറുണ്ട്. കായിക ഇനങ്ങളും സാഹസിക വിനോദങ്ങളുമൊക്കെ സംഘടിപ്പിക്കുന്നു. ഗോള്ഫ് കോഴ്സുകളില് ഗോള്ഫ് കളിക്കാന് ആള്ക്കാര് ദൂരദേശങ്ങളില് നിന്നു പോലും എത്തുന്നു. കുതിര സവാരി, ബോട്ടിംഗ്, റോക്ക് ക്ലൈംബിംഗ് എന്നിവയില് ഏര്പ്പെട്ടിരിക്കുന്ന ആള്ക്കാരെ കാണാം
*നോർവെ*
വടക്കുപടിഞ്ഞാറന് യൂറോപ്യന് രാജ്യമായ നോര്വെയാണ് ഇക്കാര്യത്തില് ഏറ്റവും പ്രശസ്തം. പാതിരാ സൂര്യന്റെ നാട് എന്നു പോലും അറിയപ്പെടുന്നു.
മെയ് മുതല് ജൂലൈ വരെയുള്ള വേനല്ക്കാലത്ത് ആര്ട്ടിക് സര്ക്കിളിന് വടക്കുള്ള പ്രദേശങ്ങളില് 24 മണിക്കൂറും സൂര്യപ്രകാശം ലഭിക്കുന്നു. ബാക്കിയുള്ള പ്രദേശങ്ങളില് 20 മണിക്കൂര് വരെ വെളിച്ചമുണ്ടാകാറുണ്ട്. മുഴുവന് സമയവും സൂര്യന് ഉദിച്ചു നില്ക്കുന്നത് കാണണമെങ്കില് നോര്വെയുടെ വടക്കന് ഭാഗങ്ങള് സന്ദര്ശിച്ചാല് മതി.
ഉയര്ന്ന അക്ഷാംശത്തില് സ്ഥിതി ചെയ്യുന്നതുകൊണ്ടാണ് ഇങ്ങനെ.
*കാനഡ*
കാനഡിയിലെ ചില ഭാഗങ്ങളിലും വര്ഷത്തില് അമ്പതോളം ദിവസം സൂര്യന് മുഴുവന് സമയവും ഉദിച്ചു നില്ക്കുന്ന കാഴ്ച്ച കാണാന് കഴിയും.
ഈ സമയത്ത് നിരവധി ആഘോഷ പരിപാടികളും മേളകളും സംഘടിപ്പിക്കാറുണ്ട്. ഗ്രേറ്റ് നോര്ത്തേണ് ആര്ട്സ് ഫെസ്റ്റിവല് ഇതില് പ്രധാനമാണ്. ജൂലൈ പകുതിയോടെയാണ് എല്ലാ വര്ഷവും ഈ ആഘോഷം നടക്കുന്നത്. ഗോള്ഫ് മത്സരങ്ങള് അടക്കമുള്ളവയും ചില സ്ഥലങ്ങളില് സംഘടിപ്പിക്കുന്നു.
*ഫിൻലൻഡ്*
അര്ദ്ധരാത്രിയിലും റോക്ക് ക്ലൈബിംഗ്, ഹൈക്കിംഗ്, തുടങ്ങിയ സാഹസിക വിനോദങ്ങളില് ഏര്പ്പെടാന് ഫിന്ലാന്റിലേക്ക് പോയാല് മതി. അതും അര്ദ്ധരാത്രി സമയത്ത്. പേരു മാത്രമെ രാത്രിയെന്നുള്ളു. പകല് പോലെ വെളിച്ചമുണ്ടാകും. സൂര്യന് ഉദിച്ചു നില്ക്കുന്ന കാഴ്ച്ച കാണാന് കഴിയും. എന്നാല് വര്ഷത്തില് എല്ലാ സമയവും ഇത് പ്രതീക്ഷിക്കരുത്. വേനല്ക്കാലത്ത് സന്ദര്ശനം നടത്തുക. ഫിന്നിഷ് ദേശീയ അവധിയുള്ള സമയം ഇവിടേക്ക് വണ്ടി കയറിയാല് ഈ പ്രതിഭാസം നേരില് കണ്ട് അത്ഭുതപ്പെടാം. രാത്രി 12 മണി ആയാലും ആള്ക്കാര് പുറത്തുണ്ടാകും. വിവിധ കാര്യങ്ങളില് അവര് വ്യാപൃതരായിരിക്കുന്നത് കാണാന് കഴിയും.
*ഐസ് ലാൻഡ്*
വേനലവധിക്കാലം അടിച്ചുപൊളിക്കാനാണ് കൂടുതല് പേരും ഐസ്ലാന്റിലേക്ക് പോകാറുള്ളത്. കുതിര സവാരി, ഗോള്ഫ് മത്സരം എന്നിവയില് സമയം ചെലവഴിക്കാം. അതും രാത്രിയില്. ഗോള്ഫ് കളിക്കാനായി ഇവിടെ അറുപത്തഞ്ചോളം ഗോള്ഫ് കോഴ്സുകളാണുള്ളത്. ഇവയില് രാത്രികാലങ്ങളില് സൂര്യപ്രകാശത്തില് തന്നെ ഗോള്ഫ് കളിക്കാം. ആര്ട്ടിക് സര്ക്കിളുമായി ചേര്ന്ന് കിടക്കുന്ന പ്രദേശമായതിനാല് മറ്റ് സ്ഥലങ്ങളിലൊന്നും ലഭിക്കാത്ത കാഴ്ച്ചകള് ഇവിടെ ലഭിക്കുന്നു. ക്യാമ്പിംഗ്, ഡൈവിംഗ് അടക്കമുള്ള കാര്യങ്ങളും ഐസ്ലാന്റില് കാണാന് കഴിയും.
*സ്വീഡൻ*
സ്വീഡന്റെ തലസ്ഥാനമായ സ്റ്റോക്ഹോമില് പാതിരാ സൂര്യനെ കാണാന് ഭാഗ്യം ലഭിക്കും. രാത്രി പന്തണ്ടു മണി വരെ സൂര്യന് ഉദിച്ചു നില്ക്കുന്നു. അപ്പോള് അസ്തമിക്കുന്ന സൂര്യന് രാവിലെ 4.30 ഓടെ വീണ്ടും ഉദിക്കുന്നു. രാത്രി വളരെ കുറവായിരിക്കും. 14 ദ്വീപുകളുള്ള സ്ഥലമാണ് സ്റ്റോക്ഹോം. മലറിന് തടാകം ബാള്ട്ടിക് കടലുമായി സംഗമിക്കുന്ന സ്ഥലം കൂടിയാണിത്. സ്റ്റോക്ഹോമിന്റെ മുപ്പതു ശതമാനവും വെള്ളം നിറഞ്ഞ പ്രദേശമാണെന്ന് പറയാം. റോഡുകളെക്കാള് വെള്ളത്തിലൂടെയുള്ള ബോട്ട് സര്വീസുകള്ക്കാണ് പ്രാധാന്യം കൂടുതല്. ഇവിടെയെത്തുന്ന സഞ്ചാരികള്ക്ക് പാതിരാത്രിയില് ബോട്ടിംഗ് നടത്താന് അവസരം ലഭിക്കുന്നു.
Comments
Post a Comment
Happy to hear you!